السلام عليكم ورحمة الله وبركاته 💕
التسوق اونلاين🙅🏻
بدايتي بالمدونه ان شاء الله يارب تكون بداية موفقه وبداية خير لي..
احترت بأي موضوع ابدأ واخترت هالموضوع تقريباً لأنه ؛ الاساس الي راح تمشي عليه اغلب مواضيعي.
بالبداية التسوق عن طريق الاونلاين الغالبيه يعرفه وكثير ناس مايعرفون وهالبوست للناس الي مب فاهمه ولا عارفه فيه وممكن يفيد الناس الي خبرتهم قليله بمعلومات جديد ✨
اول واهم شيء : البطاقة الائتمانيه مهما كان اختلاف البنك..
طبعاً فيه مواقع عندهم خدمة الدفع عند الاستلام بس غالبية المواقع عن طريق الفيزا والماستر كارد و...ومن بعض المواقع الي اعرفهم-نمشي،ايهيرب،شيء حلو-
وعن تفسي افضل الدفع عن طريق الفيزا
الفيزا الي استخدمها فيزة التسوق الالكتروني من الراجحي.
ومن افضل انواع الفيزا :
فيزة التسوق الالكتروني من مميزاتها -انو تشحنينها بالمبلغ الي حابه تشتري فيه-وثاني شيء : المواقع الي راح تطلبي منها وسياستها للشحن
1 - مواقع تشحن دايركت
2 - مواقع لاتشحن دايركت
المواقع التي تشحن دايركت : بالنسبه لي افضل واريح
وكيفية المعرفة هل الموقع يشحن دايركت او لا؟؟؟
الشيء الي حابه تطلبيه ضعيه بالسله واكملي بيانات الطلب على اساس انك راح تطلبي
وعند عنوان الدفع راح تلاقي الدوله لو لقيتي دولتك بكذا راح يشحن دايركت ولو مالقيتيها تحتاج الى بريد امريكي
المواقع التي لاتشحن دايركت :
بالنسبه لي متعقده من هالمواقع
وتتطلب الى بريد امريكي
البريد الامريكي ؛ عباره عن عنوان مزيف يوضع لك في المدينه لتصل اوردراتك الى العنوان وتقوم شركة الشحن بشحنه الى بلدك بتكلفة مالية ومقدار التكلفة غالباً يكون على حسب الوزن
يوجد الكثير من شركات الشحن
Worldship
Shopandship
Myus
والكثير ايضاً
عن نفسي مشتركة بارامكس والوورلد شيب
ارامكس جربته مره وحده فقط
وافضل الوورلد شيب لان عنده خدمة التجميع وتكلفته اقل
من ايجابيات الطلب عن طريق الانترنت :
من وجهة نظري اشوف انها مريحه يعني بدل ماتروحي السوق ومن مكان الى مكان وتنحاسين ويمكن ما تلاقي الي تبيه وتوفير للوقت والجهد..وممتع بنفس الوقت
ومن سلبياتها :
الجودة والخامة رديئه.
تصوير الشيء بغير الحقيقه واختلاف المنتجات
ان بعض الموقتع الشحن عندها باهض الثمن
وهذا جزء مما عندي
واشوف ان التشوق الالكتروني جداً ممتع..
وتعلمت اشياء كثيره منه
وراح نتطرق لمواضيع كثيره توضح طريقة الطلب
وهالموضوع متجدد باستمرار بإذن الله
واتمنى اني افدتكم .